- KLASK.com - Politikerezhioù evit ur blanedenn vihan - Jacques Ténier Patrice Marquand

Ur blanedenn dek miliard a annezidi enni dizale, unvanet gant ar skiantoù hag an teknikoù, an arc’hant hag ar c’henwerzh, lakaet en arvar gant an hevelep pirilhoù, a zo dibourvez ag un aozadur politikel ha sokial. Kaset eo an dud d’ul liamm, demokratel pe ket, gant ar vro m’int stag outi. Ar vroadelouriezh serret warni hec’h-unan hag ar gevalaouriezh diroll a ra tiegezh mat. An dud dibourvez ha dalc’hidi al liesegezh hag ar justis a c’houzañv kalz diwar se. Ar vevliesseurted o fontañ, ampled an digempouezioù, an digevatalderioù o tonaat, kement tra a zlefe lakaat an dud da sevel a-du evit ma vo ijinet aozadurioù barrek da zispartiañ ar mad boutin diouzh ar madoù prevez ha da reiñ respontoù kendoniet : ar peoc’h, ar gwirioù, an dour, an hin, ar c’hoadeier, aozioù ur vuhez din, un diraez da zanframmoù diazez, obererien arc’hant ha niverel lakaet dindan ur c’hontroll demokratel. Greomp ac’hanomp saverien ur bed emouez ouzh kengred e izili hag o dazont boutin: kennerzhomp ar c’henoberoù etre ar pobloù, lakaomp ar strolladoù bras da skodenniñ evit arc’hantaouiñ an ezhommoù stroll, adpriziomp ar marc’hadoù lec’hel ha rannvedel, adtalvoudekaomp an implij boutin eus an traoù e-keñver o ferc’hentiezh, gwarantomp ma vo roet d’ar geodedourien, d’ar gazetennerien, d’ar sindikadoù, d’ar c’hevredigezhioù, araezioù o eztaoliñ dibaouez, digoromp hor sevenadurioù hag hor yezhoù war re hon amezeien. Dizarbenn a raimp ar gwallreuzioù kemennet, sevel a raimp, war un Douar m’eo tremen anat n’eus nemetañ ha bresk eo, ur bed boutin, hon hini hag hini ar re all.
Reizhaouer eo Jacques Ténier, kargad a gentelioù e skol-veur Roazhon II hag e Ensavadur studioù politikel Roazhon. Lavaret en doa prezegennoù diwar-benn tostadur ar pobloù hag ar c’henoberoù etre broioù amezek en Amerika hag Azia ar Su, hag en Afrika ar C’hornôg. Kelenner pedet gant skolioù-meur Guangxi, Nanning, Sina, 2016 ha Liège, Belgia, 2017. Kemer a ra perzh e oberoù kengret e Burkina Faso hag e Haiti. Skrivet en deus: Intégrations régionales et mondialisation (La Documentation française 2003) ha Faire la paix dans les régions du monde (L’Harmattan, 2008, embannadenn spagnolek, Lluvia editores, Lima, 2021).
Rakskrid gant Bertrand Badie.

Rummadoù

Embannerien